தட்சிணாமூர்த்தியின் உண்மை தமிழ்ப் பெயர்: தென்முகக் கடவுள் மொழிபெயர்ப்பா?

நற்றமிழ் வணக்கம் 🙏🏻 

பெயரின் பின்னணியும் மொழிபெயர்ப்பும்

நாம் இன்று பரவலாக வியாழக்கிழமை தோறும் வழிபடும் தட்சிணாமூர்த்தி என்ற சொல் வடமொழியாகும்.

 'தட்சிணம்' என்பதற்கு தெற்கு என்று பொருளாகும். அதன் காரணமாகவே பிற்காலத்தில் இவரை 'தென்முகக் கடவுள்' என்று தமிழில் மொழிபெயர்த்து அழைக்கத் தொடங்கினர். 

ஆனால், இது நேரடி மொழிபெயர்ப்பே தவிர, (சங்க) கழககாலத் தமிழர்கள் அவருக்குச் சூட்டிய மெய்யான தமிழ்ப் பெயர் அல்ல என்பதுதான் வரலாற்று உண்மை.

மொழிபெயர்ப்புகளைத் தாண்டி நம் பாட்டன் முப்பாட்டன் காலத்து இலக்கியங்களில் தேடிப் பார்த்தால், மிக ஆழமான பண்டையகுடித் தமிழ்ப் பெயர்கள் நமக்குக் கிடைக்கின்றன.

சுமார் இரண்டாயிரம் ஆண்டுகளுக்கு முந்தைய புறநானூறு, கலித்தொகை மற்றும் சிறுபாணாற்றுப்படை போன்ற சங்க இலக்கிய நூல்களில் இவரைப் பற்றிய தூய தமிழ்ப் பெயர்கள் பயின்று வந்துள்ளன. காடுகளிலும் இயற்கையோடும் வாழ்ந்த நம் முன்னோர்கள், பெரிய ஆலமரத்தின் நிழலில் அமர்ந்து அறம் உரைத்த இறைவனை 'ஆலமர் செல்வன்', 'ஆலமர் கடவுள்' மற்றும் 'ஆலமர் இறையனார்' என்று தூய தமிழில் போற்றி வழிபட்டனர். வார நாட்களைக் கணக்கிடாமல், மௌனத்தின் மூலம் மெய்ஞ்ஞானத்தை உணர்த்தும் இந்த முன்னைத்  தமிழ்க் கடவுளைத் தமிழர்கள் தங்களின் முதல் தெய்வமாகக் கொண்டாடி மகிழ்ந்தனர்.

இன்று வியாழக்கிழமைகளில் தட்சிணாமூர்த்திக்கு மஞ்சள் நிற ஆடையும், மஞ்சள் கொண்டைக்கடலை மாலையும் சாத்துவது என்பது பிற்காலத்தில் நவக்கிரக குருவின் வழிபாட்டோடு இணைந்து உருவான ஒரு பழக்கமாகும்.&பெயரின் பின்னணியும் மொழிபெயர்ப்பும்;

ஆனால், பண்டைய தமிழர்களின் மரபுப்படி தூய்மையான பேரறிவின் மற்றும் ஞானத்தின் அடையாளமாக இந்த ஆலமரக் கடவுளுக்கு வெண்ணிற ஆடைகளே சாத்தப்பட்டன. மலர்களில் மிகத் தூய்மையான வெண்முல்லை, இருவாட்சி மற்றும் வெண்தாமரை போன்ற வெள்ளை நிற மலர்களைக் கொண்டே பழங்காலத்தில் இவருக்கு முதன்மை வழிபாடுகள் மிகச் சிறப்பாக நடத்தப்பட்டன. 

 ஆலமர் கடவுளே பின்னாளில் தட்சிணாமூர்த்தி என்று மாறினார் போலும் 

 M.Porkodi Nangai 🌿

Tamil writer & Author