🌾 ஆடிப்பெருக்கு நல்வாழ்த்துகள்! 🌊

 நறுந்தமிழ் வணக்கங்கள்! 🙏🏻

ஆடி மாதத்தின் பதினெட்டாம் நாளில் கொண்டாடப்படும் ஆடிப்பெருக்கு, தமிழர்கள் காலங்காலமாகக் கொண்டாடி வரும் தனித்துவமிக்க திருவிழாவாகும்.

இது இயற்கையையும், நீரையும், வேளாண்மையையும் போற்றும் தமிழர் விழா. மழை, ஆறு, பாசனம், உழவு ஆகியவற்றின் உறவை நன்கு உணர்ந்த தமிழர்கள், நீரே வாழ்வின் ஆதாரம் என்பதை உணர்த்தும் வகையில் ஆடிப்பெருக்கைக் கொண்டாடினர்.

தமிழர்களின் நீர் மேலாண்மை அறிவையும், இயற்கைக்கு அவர்கள் செலுத்திய நன்றியுணர்வையும் பறைசாற்றும் பெருவிழாவாக ஆடிப்பெருக்கு விளங்குகிறது.

அத்தகைய தமிழர் மரபை நினைவூட்டும் வகையில், சிலப்பதிகாரத்தில் இளங்கோவடிகள் காவிரியைப் போற்றிப் பாடுகிறார்:

மருங்கு வண்டு சிறந்தார்ப்ப,

மணிப்பூ ஆடை அதுபோர்த்துக்,

கருங்கயற்கண் விழித்தொல்கி

நடந்தாய்; வாழி, காவேரி!

அதனைத் தொடர்ந்து அவர் பாடுகிறார்:

நடந்த எல்லாம் நின்கணவன்

திருந்து செங்கோல் வளையாமை

அறிந்தேன்; வாழி, காவேரி!

விளக்கம்

இளங்கோவடிகள், காவிரியை ஒரு பெண்ணாக உருவகப்படுத்தி, சோழ வேந்தனை அவளின் கணவனாக உருவகப்படுத்துகிறார். 

இங்கு குறிப்பிட்ட எந்தச் சோழ மன்னனின் பெயரும் கூறப்படவில்லை. நீதி வழுவாத செங்கோல் கொண்ட சோழ அரசாட்சியின் சிறப்பையே இந்த இலக்கிய உருவகம் வெளிப்படுத்துகிறது.

பிற்காலத்தில் காவிரியைப் பற்றிப் பல புராணக் கதைகள் தோன்றின. ஆனால், சிலப்பதிகாரம் காவிரியை அவ்வாறான கதைகளின் வழியாக அல்ல; தமிழர் வாழ்வை வளப்படுத்தும் உயரிய

ஆறாகவும், செழிப்பின் அடையாளமாகவும் போற்றுகிறது.

தமிழர்களின் நீர் நாகரிகத்தையும், இயற்கை உணர்வையும் தலைமுறைகள் தாண்டி நினைவூட்டும் ஆடிப்பெருக்கு திருநாள் அனைவருக்கும் நல்வாழ்த்துகள்! 🌾🌊🙏🏻

குறிப்பு: இக்கட்டுரையில் இடம்பெற்றுள்ள கருத்துகள் என் ஆய்வின் புரிதல்களை அடிப்படையாகக் கொண்டவை.

– M.Porkodi Nangai 🌿

Tamil writer &  Author